భారీగా పెరగనున్న పెట్రోల్, డీజిల్ ధరలు.. సామాన్యుడికి సెగ..!
భారీగా పెరగనున్న పెట్రోల్, డీజిల్ ధరలు.. సామాన్యుడికి ‘ఫామ్ సెస్’ సెగ..!
కేంద్ర బడ్జెట్ 2021-22 సందర్భంగా వాహనదారులకు కేంద్రం రెండు షాకింగ్ న్యూస్ చెప్పింది. పాత వాహనాలను తుక్కుకు పంపడం ఒకటైతే.. ఫామ్ ఛార్జీల పెంపు ప్రతిపాదన మరొకటి. లీటర్ పెట్రోల్‌పై రెండున్న రూపాయలు, లీటర్ డీజిల్‌పై 4 రూపాయల మేర
విధించడం కోసం కేంద్రం ప్రతిపాదించింది. ఫామ్ సెస్ విధిస్తే.. ఈ మేరకు పెట్రోల్, డీజిల్ ధరలు కూడా పెరగనున్నాయి.
ఇప్పటికే పెరుగుతున్న పెట్రోల్ ధరలతో వాహనదారులు ఆందోళన చెందుతున్నారు. కొత్తగా ఫామ్ సెస్ కూడా తోడైతే వాహనదారులపై భారం మరింత పెరగనుంది. ఎక్సైజ్ డ్యూటీ, రాష్ట్రాలు విధించే వ్యాట్, రోడ్ డెవలప్‌మెంట్ సెస్ తదితరాల కారణంగా.. పెట్రో వడ్డన ఎక్కువైంది. పెట్రోల్, డీజిల్ ధరలు పెరిగిన కొద్దీ.. రవాణా ఛార్జీల భారం పెరుగుతుంది. దాని వల్ల ప్రయాణ ఛార్జీలు, అన్ని రకాల వస్తువుల ధరలు పెరిగేందుకు ఆస్కారం ఉంది.
ఓవైపు కరోనా కారణంగా చాలా మంది ఉపాధి అవకాశాలను కోల్పోయారు. మరోవైపు నిత్యావసరాల ధరలు పెరుగుతున్నాయి. ఇలాంటి పరిస్థితుల్లో పెట్రోల్ ధరలను మరింత పెంచేలా కేంద్రం ప్రతిపాదనలు సిద్ధం చేయడం పట్ల సాధారణ ప్రజానీకం ఆందోళన చెందుతోంది.
Follow us on Social Media : Facebook | Twitter | Youtube | Linkedin
