నాగర్ కర్నూల్: జర్నలిస్టుల కుటుంబాల సంక్షేమానికి ప్రభుత్వం, విద్యాశాఖ ప్రాధాన్యత ఇవ్వాలని, ప్రైవేటు పాఠశాలలు, విద్యాసంస్థల్లో జర్నలిస్టుల పిల్లల ఫీజుల్లో 50 శాతం రాయితీ కల్పించాలని తెలంగాణ వర్కింగ్ జర్నలిస్ట్ ఫెడరేషన్ (TWJF) డిమాండ్ చేసింది. ఫెడరేషన్ రాష్ట్ర అధ్యక్షులు మామిడి సోమయ్య గారి పిలుపు, ఆదేశాల మేరకు గురువారం నాగర్ కర్నూల్ జిల్లా కలెక్టరేట్ వేదికగా విద్యాశాఖ అధికారి (DEO) మరియు జిల్లా కలెక్టర్లను ట్విజో ప్రతినిధుల బృందం మర్యాదపూర్వకంగా కలుసుకుంది. ఈ సందర్భంగా జర్నలిస్టుల పిల్లల విద్యా హక్కులు, ఫీజుల రాయితీని కోరుతూ వారికి ఒక అధికారిక వినతిపత్రాన్ని సమర్పించారు.
ఈ సందర్భంగా జర్నలిస్ట్ నేతలు మాట్లాడుతూ.. రాత్రింబవళ్లు సమాజ శ్రేయస్సు కోసం, ప్రజల సమస్యల పరిష్కారం కోసం శ్రమిస్తున్న జర్నలిస్టుల ఆర్థిక ఇబ్బందులను ప్రభుత్వం గుర్తించాలన్నారు. పెరిగిపోతున్న విద్యా ఖర్చుల దృష్ట్యా జర్నలిస్టుల పిల్లలకు అన్ని ప్రైవేటు, కార్పొరేట్ విద్యాసంస్థల్లో ఫీజుల తగ్గింపు వర్తింపజేసేలా తగిన ఉత్తర్వులు జారీ చేయాలని ఉన్నతాధికారులను కోరారు.
జర్నలిస్టుల ఐక్యత – భారీ మద్దతు: జర్నలిస్టుల హక్కుల సాధన కోసం చేపట్టిన ఈ వినతిపత్రం అందజేసే కార్యక్రమానికి జిల్లా వ్యాప్తంగా ఉన్న మీడియా మిత్రుల నుండి విశేష స్పందన లభించింది. నాగర్ కర్నూల్ జిల్లా పరిధిలోని కల్వకుర్తి, అచ్చంపేట మరియు నాగర్ కర్నూల్ నియోజకవర్గాలకు చెందిన జర్నలిస్ట్ మిత్రులు, వివిధ పత్రికలు, ఎలక్ట్రానిక్ మీడియా ప్రతినిధులు ఈ కార్యక్రమంలో పెద్ద సంఖ్యలో పాల్గొని తమ ఐక్యతను చాటారు.
దీనిపై సానుకూలంగా స్పందించిన జిల్లా అధికారులు, ఈ విషయాన్ని ప్రభుత్వం దృష్టికి తీసుకువెళ్లి తగిన చర్యలు తీసుకునేలా చూస్తామని హామీ ఇచ్చారు.
ఈ కార్యక్రమం లో నాగర్ కర్నూల్ TWJF జిల్లా అధ్యక్షులు, దుమర్ల భాస్కర్, ప్రధాన కార్యదర్శి రవికాంత్, సహాయ కార్యదర్శి మంత్రాల శ్రీనివాసులు, కోశాధికారి పండు, మరియు ఫెడరేషన్ జర్నలిస్టుల బృందం పెద్ద సంఖ్యలో పాల్గొన్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
