నాగర్కర్నూల్, జూలై 13: జిల్లాలో విద్యాశాఖ పరిపాలన పూర్తిగా నిర్లక్ష్యానికి గురైందని, ప్రైవేట్ పాఠశాలల అక్రమాలు, కేజీబీవీ (KGBV) సమస్యలను పట్టించుకోవడంలో జిల్లా విద్యాధికారి (DEO) పూర్తిగా విఫలమయ్యారని ఆరోపిస్తూ వివిధ విద్యార్థి సంఘాలు సోమవారం భారీ నిరసన చేపట్టాయి. AISF, MSF, BSF, UISF మరియు బీసీ విద్యార్థి సంఘాల ఆధ్వర్యంలో డీఈఓ కార్యాలయం ఎదుట ధర్నా నిర్వహించారు. అనంతరం కలెక్టరేట్లో నిర్వహించిన ప్రజావాణి కార్యక్రమంలో జిల్లా విద్యాధికారిని వెంటనే సస్పెండ్ చేయాలని కోరుతూ అధికారులకు ఫిర్యాదు చేశారు.
ఈ సందర్భంగా విద్యార్థి సంఘాల నాయకులు మాట్లాడుతూ.. జిల్లా కేంద్రంలో అనుమతి లేకుండా నడుస్తున్న ఒక ప్రైవేట్ స్కూల్పై రెండేళ్లుగా ఫిర్యాదు చేస్తున్నా పట్టించుకోకుండా, ఈ విద్యా సంవత్సరంలో దానికి అనుమతులు ఇవ్వడం వెనుక అనేక అనుమానాలు ఉన్నాయన్నారు. అచ్చంపేట శ్రీ చైతన్య పాఠశాలపై బాలల హక్కుల కమిషన్ విచారణకు ఆదేశించినా డీఈఓ స్పందించలేదని మండిపడ్డారు. ప్రైవేట్ స్కూళ్లలో జీవో నెం.1 అమలు చేయడం లేదని, నిబంధనలకు విరుద్ధంగా పుస్తకాలు విక్రయిస్తున్నా అధికారులు వారికే సహకరిస్తున్నారని ఆరోపించారు.
కేజీబీవీలలో తీవ్ర అక్రమాలు:
పురుగుల అన్నం: నాగనూలు కస్తూర్బా గాంధీ బాలికల పాఠశాలలో విద్యార్థినులకు పురుగుల అన్నం వడ్డిస్తున్నా డీఈఓ కనీసం సందర్శించి విచారణ చేయలేదు.
ఐడీల దుర్వినియోగం: తిమ్మాజిపేట కేజీబీవీ ప్రత్యేక అధికారి సుజాతపై ఆరోపణలు రావడంతో ఆమెను కోడేరుకు బదిలీ చేసినప్పటికీ, తిమ్మాజిపేట స్కూల్ UDISE పాస్వర్డ్, సీసీ కెమెరాల యాక్సెస్ ఇప్పటికీ ఆమె మొబైల్ నంబర్కే ఉండటం తీవ్ర పరిపాలనా లోపానికి నిదర్శనం.
ఉద్యోగి బ్రతికుండగానే ఆన్లైన్ మరణం: తిమ్మాజిపేట కేజీబీవీలో పనిచేస్తున్న ఒక ఉద్యోగి విధుల్లో ఉండగానే, ఆన్లైన్లో ఆ ఉద్యోగి మరణించినట్లు నమోదు చేసిన ఘోర తప్పిదంపై ఇంతవరకు ఎలాంటి విచారణ జరపలేదు. లోపాలను ప్రశ్నించే సిబ్బందికే షోకాజ్ నోటీసులు ఇస్తూ వేధిస్తున్నారని ఆరోపించారు.
జిల్లాలో విద్యాశాఖ పనితీరుపై సమగ్ర విచారణ జరిపి, విధుల్లో నిర్లక్ష్యం వహిస్తున్న డీఈఓను వెంటనే సస్పెండ్ చేయాలని విద్యార్థి సంఘాల నాయకులు ప్రేమ్ కుమార్ (AISF), బుక్కాపురం మహేష్ (MSF), మద్దెలబండ సాయిబాబు (BSF), సయ్యద్ (UISF), డేగ అనిల్ కుమార్ (బీసీ విద్యార్థి సంఘం) డిమాండ్ చేశారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
