అచ్చంపేట: ఢిల్లీలో శాంతియుతంగా నిరసన తెలుపుతున్న విద్యార్థులు, యువకులపై పోలీసులు జరిపిన దాడులను నిరసిస్తూ మరియు నీట్ (NEET) పేపర్ లీకేజీకి బాధ్యత వహిస్తూ కేంద్ర విద్యాశాఖ మంత్రి ధర్మేంద్ర ప్రధాన్ తక్షణమే రాజీనామా చేయాలని డిమాండ్ చేస్తూ జులై 24న రాష్ట్రవ్యాప్త విద్యాసంస్థల బంద్కు విద్యార్థి, యువజన సంఘాలు పిలుపునిచ్చాయి. ఈ మేరకు అచ్చంపేట ప్రెస్ క్లబ్లో ఎస్ఎఫ్ఐ, ఎన్ఎస్ యుఐ, డివైఎఫ్ఐ, యుఎస్ఎఫ్ఐ (SFI, NSUI, DYFI, USFI) సంఘాల ఆధ్వర్యంలో విలేకరుల సమావేశం (ప్రెస్ మీట్) నిర్వహించారు.
ఈ సమావేశంలో ఎస్ఎఫ్ఐ తాలూకా కన్వీనర్ చరణ్, ఎన్ఎస్యూఐ జిల్లా అధ్యక్షుడు సంతోష్, డెమోక్రటిక్ యూత్ ఫెడరేషన్ ఆఫ్ ఇండియా (DYFI) రాష్ట్ర కమిటీ సభ్యుడు వర్ధం సైదులు, యుఎస్ఎఫ్ఐ జిల్లా అధ్యక్షుడు ఎండి సయ్యద్ పాల్గొన్నారు.
ఈ సందర్భంగా నాయకులు మాట్లాడుతూ.. నీట్ కుంభకోణానికి బాధ్యత వహిస్తూ కేంద్ర విద్యాశాఖ మంత్రి రాజీనామా చేయాలని, విద్యార్థులపై పోలీసుల దాడులపై సమగ్ర విచారణ జరిపించాలని డిమాండ్ చేశారు. నేషనల్ టెస్టింగ్ ఏజెన్సీ (NTA)ని రద్దు చేయాలని, విద్య కేంద్రీకరణ విధానాలను ఉపసంహరించుకుని నీట్ పరీక్ష నిర్వహణ బాధ్యతలను తిరిగి రాష్ట్రాలకే అప్పగించాలని స్పష్టం చేశారు. నీట్ వ్యవహారంలో ఆత్మహత్య చేసుకున్న విద్యార్థుల కుటుంబాలకు మరియు పోలీసు దాడుల్లో గాయపడిన వారికి తగిన నష్టపరిహారం చెల్లించాలని కోరారు.
విద్యార్థి, యువజన సంఘాల రాష్ట్ర కమిటీ పిలుపు మేరకు జులై 24న చేపట్టే రాష్ట్రవ్యాప్త విద్యాసంస్థల బంద్ను విజయవంతం చేయాలని, దీనికి ప్రైవేట్ యాజమాన్యాలు, ప్రభుత్వ అధికారులు, మేధావులు మరియు విద్యార్థులు సహకరించాలని విజ్ఞప్తి చేశారు. ఈ కార్యక్రమంలో విద్యార్థి సంఘాల నాయకులు లడ్డు యాదవ్, శంకర్, రాజు, ప్రవీణ్, ఫయాజ్ తదితరులు పాల్గొన్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
