పెద్దకొత్తపల్లి/నాగర్కర్నూలు: నాగర్కర్నూలు జిల్లా పెద్దకొత్తపల్లి మండల కేంద్రంలో కొత్తగా ఏర్పాటు చేసిన “ఏషియన్ డైమండ్ స్కూల్” (CBSE) నిర్వాహకుల తీరుపై ప్రైవేట్ పాఠశాలల యాజమాన్యాల సంఘం (TRSMA - ట్రస్మా) తీవ్ర అభ్యంతరం వ్యక్తం చేసింది. ప్రభుత్వ రికగ్నిషన్ మరియు విద్యాశాఖ అనుమతులు లేకుండానే సదరు పాఠశాల యాజమాన్యం అక్రమంగా ప్రచారాలు నిర్వహిస్తూ, అడ్మిషన్లు చేపడుతోందని ట్రస్మా జిల్లా విభాగాధిపతులు ఆరోపించారు. ఈ మేరకు మంగళవారం జిల్లా విద్యాశాఖాధికారికి (DEO) రాతపూర్వకంగా ఫిర్యాదు చేస్తూ వినతిపత్రం అందజేశారు.
ట్రస్మా ప్రతినిధులు తెలిపిన వివరాల ప్రకారం.. సదరు ఏషియన్ డైమండ్ పాఠశాల నిర్వాహకులు ఎలాంటి ప్రభుత్వ జీవోలు, కనీస అనుమతులు లేకుండానే క్షేత్రస్థాయిలో ప్రచార బోర్డులు ఏర్పాటు చేశారు. “అడ్మిషన్ ఫీజు ఫ్రీ” అంటూ తప్పుడు వాగ్దానాలతో అమాయక తల్లిదండ్రులను అయోమయానికి గురిచేస్తూ విద్యార్థులను చేర్చుకుంటున్నారని వారు మండిపడ్డారు. విద్యార్థుల భవిష్యత్తుతో ఆడుకుంటున్న ఇలాంటి అనుమతి లేని పాఠశాలలపై విద్యాశాఖ అధికారులు తక్షణమే స్పందించి కఠినమైన చట్టపరమైన చర్యలు తీసుకోవాలని డిమాండ్ చేశారు.
అనుమతి లేని స్కూళ్లకు ట్రస్మా మద్దతు ఉండదు: ఈ సందర్భంగా ట్రస్మా జిల్లా అధ్యక్షుడు వల్లభనేని శ్రీనివాస్ మాట్లాడుతూ.. ప్రభుత్వ నిబంధనలకు లోబడి, నాణ్యమైన విద్యా ప్రమాణాలతో నడిచే ప్రైవేట్ పాఠశాలలకే ఎల్లప్పుడూ ట్రస్మా మద్దతు ఉంటుందని స్పష్టం చేశారు. నిబంధనలను తుంగలో తొక్కి, అనుమతులు లేకుండా ఇష్టారాజ్యంగా నడిపే ఏ ప్రైవేట్ పాఠశాలకూ ట్రస్మా సంఘం మద్దతు ఇవ్వబోదని తేల్చిచెప్పారు.
ఈ ఫిర్యాదుల ఆవిష్కరణ కార్యక్రమంలో ట్రస్మా జిల్లా జనరల్ సెక్రటరీ హాలా రాజు, స్టేట్ ఈసీ మెంబర్ ఎండి నయీమ్తో పాటు జిల్లాలోని అన్ని తాలూకాలకు చెందిన ట్రస్మా ప్రతినిధులు, ప్రైవేట్ పాఠశాలల ప్రతినిధులు పెద్ద సంఖ్యలో పాల్గొన్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
