అచ్చంపేట/హైదరాబాద్: నల్లమల ప్రాంత జర్నలిస్టులు ఎదుర్కొంటున్న దీర్ఘకాలిక సమస్యలను పరిష్కరించాలని కోరుతూ జర్నలిస్టుల ప్రతినిధి బృందం రాష్ట్ర సమాచార, పౌర సంబంధాల శాఖ మంత్రి పొంగులేటి శ్రీనివాస్ రెడ్డిని కలిసింది. అచ్చంపేట ఎమ్మెల్యే డాక్టర్ చిక్కుడు వంశీకృష్ణ సూచన మేరకు శుక్రవారం హైదరాబాద్ సచివాలయంలోని మంత్రి చాంబర్లో జర్నలిస్టులు మంత్రికి వినతిపత్రం సమర్పించారు.
ఈ సందర్భంగా వారు పలు కీలక డిమాండ్లను మంత్రి దృష్టికి తీసుకెళ్లారు:
నల్లమల జర్నలిస్టులకు ఉమ్మడి మహబూబ్నగర్ జిల్లాతో పాటు హైదరాబాద్ వరకు ఉచిత బస్సు పాస్ సౌకర్యం కల్పించాలి.
మన్ననూర్, బ్రహ్మగిరి కేంద్రాలకు అక్రిడేషన్ కార్డుల పునరుద్ధరణ కోసం ఆన్లైన్ సెంటర్లను ఏర్పాటు చేయాలి.
ఆర్సీ ఇన్చార్జి అక్రిడేషన్ కార్డులను యథావిధిగా కొనసాగించాలి.
చిన్న పత్రికలకు ఇబ్బందిగా మారిన 2.50 లక్షల సర్క్యులేషన్ నిబంధనను సడలించాలి.
జర్నలిస్టుల విన్నపంపై సానుకూలంగా స్పందించిన మంత్రి పొంగులేటి శ్రీనివాస్ రెడ్డి, అధికారులతో చర్చించి త్వరలోనే సానుకూల నిర్ణయం తీసుకుంటామని హామీ ఇచ్చారు. అనంతరం ఐఅండ్పీఆర్ జాయింట్ డైరెక్టర్ జగన్ను కలవగా, మన్ననూర్, బ్రహ్మగిరి కేంద్రాల అక్రిడేషన్ ప్రక్రియ పూర్తయిందని, శనివారం నాటికి ఆన్లైన్లో అందుబాటులోకి వస్తుందని ఆయన స్పష్టం చేశారు.
తమ సమస్యల పరిష్కారానికి సహకరించిన ఎమ్మెల్యే డాక్టర్ వంశీకృష్ణకు, రాష్ట్ర ప్రభుత్వానికి నల్లమల జర్నలిస్టులు ప్రత్యేక కృతజ్ఞతలు తెలిపారు. ఈ కార్యక్రమంలో జర్నలిస్టు నాయకులు చందు నాయక్, కొండయ్య, ప్రకాష్, లక్ష్మీపతి, బాలస్వామి తదితరులు పాల్గొన్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
