అచ్చంపేట: నాగర్కర్నూలు జిల్లాలోని దట్టమైన నల్లమల అడవులు దావాగ్నికి బుగ్గిపాలవుతున్నాయి. గత కొన్ని రోజులుగా నల్లమల అటవీ ప్రాంతంలో వరుసగా చెలరేగుతున్న మంటలు పచ్చని అడవిని దహించివేస్తున్నాయి. శనివారం (23-05-2026) అమ్రాబాద్ మండలం దోమలపెంట రేంజ్ పరిధిలోని జిలిగాయకుంట సమీపంలో, శ్రీశైలం - హైదరాబాద్ ప్రధాన రహదారి పక్కన భారీ ఎత్తున మంటలు చెలరేగాయి.
ప్రసిద్ధ పర్యాటక ప్రాంతమైన ఫరాహాబాద్ వ్యూ పాయింట్కు కూతవేటు దూరంలోనే ఈ ప్రమాదం సంభవించి, మంటలు దట్టమైన అటవీ భాగానికి వేగంగా విస్తరిస్తున్నాయి. ఇంత పెద్ద ఎత్తున మంటలు ఎగసిపడుతున్నా, దట్టమైన పొగలు కమ్ముకుంటున్నా అటవీ శాఖ అధికారులు మాత్రం తమకేమీ తెలియనట్టు నిమ్మకు నీరెత్తినట్లు వ్యవహరిస్తున్నారని స్థానికులు మరియు ప్రయాణికులు తీవ్ర ఆగ్రహం వ్యక్తం చేస్తున్నారు.
అధికారుల ఉదాసీనత మరియు సకాలంలో స్పందించకపోవడం వల్లే వందలాది ఎకరాల అటవీ సంపద, విలువైన వనమూలికలు అగ్నికి ఆహుతి అవుతున్నాయని పర్యావరణ ప్రేమికులు ఆవేదన చెందుతున్నారు. అడవి తగలబడిపోతుండటంతో నల్లమలలోని అరుదైన వన్యప్రాణులు, పక్షులు ప్రాణభయంతో చెల్లాచెదురవుతున్నాయి. ఇప్పటికైనా ఉన్నతాధికారులు తక్షణమే స్పందించి, మంటలను అదుపు చేయడానికి ఫైర్ ఫైటింగ్ సిబ్బందిని రంగంలోకి దించాలని, నల్లమల అటవీ సంపదను కాపాడాలని స్థానిక ప్రజలు డిమాండ్ చేస్తున్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
