హైదరాబాద్/నాగర్కర్నూల్: అమాయక రైతుల కష్టార్జితానికి రెక్కలొచ్చాయి. నాగర్కర్నూల్ జిల్లాకు చెందిన వేలాది మంది రైతులను ఒక ప్రైవేట్ ఫైనాన్స్ సంస్థ నిలువునా ముంచేసింది. దాదాపు రూ.250 కోట్ల భారీ మోసం వెలుగులోకి రావడంతో బాధితులైన రైతులందరూ బుధవారం హైదరాబాద్లోని కుషాయిగూడలో ఆందోళనకు దిగారు.
రూ.2 వడ్డీ ఆశ చూపి..: కుషాయిగూడ కేంద్రంగా నడుస్తున్న 'ఓం శ్రీసాయిరాం ఫైనాన్స్' సంస్థ నిర్వాహకులు నాగర్కర్నూల్ జిల్లాలోని దాదాపు 25 గ్రామాల రైతులను బురిడీ కొట్టించారు. నెలకు రూ.2 వడ్డీ ఇస్తామని ఆశ చూపడంతో, ఒక్కో రైతు రూ.10 లక్షల నుంచి రూ.20 లక్షల వరకు ఈ సంస్థలో పెట్టుబడి పెట్టారు. ఇలా దాదాపు 2,500 మంది రైతుల నుండి నిర్వాహకులు సుమారు రూ.250 కోట్లు వసూలు చేసినట్లు తెలుస్తోంది.
భూనిర్వాసితులపై కోలుకోలేని దెబ్బ: ఈ మోసానికి గురైన వారిలో అత్యధికులు పాలమూరు-రంగారెడ్డి ఎత్తిపోతల పథకం భూనిర్వాసితులే కావడం గమనార్హం. భూమిని కోల్పోయి ప్రభుత్వం ఇచ్చిన పరిహారం సొమ్మును భవిష్యత్తు అవసరాల కోసం ఈ ఫైనాన్స్ సంస్థలో దాచుకున్నారు. అయితే, కొద్ది రోజులుగా వడ్డీ చెల్లించడం ఆపేసిన యజమాని ధనుంజయ్ గుప్తా, ప్రస్తుతం పరారీలో ఉన్నట్లు బాధితులు ఆరోపిస్తున్నారు.
పోలీసుల రంగప్రవేశం: రైతుల ఫిర్యాదుతో స్పందించిన పోలీసులు సదరు ఫైనాన్స్ సంస్థ ఆస్తులను సీజ్ చేశారు. తమకు న్యాయం జరగాలని, తమ డబ్బు తిరిగి ఇప్పించాలని డిమాండ్ చేస్తూ యజమాని ఇంటి ముందు రైతులు నిరసన కొనసాగిస్తున్నారు. ఎంతో కష్టపడి సంపాదించుకున్న సొమ్ము ఆవిరైపోతుందన్న ఆవేదనలో రైతులు కన్నీరుమున్నీరవుతున్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
