నాగర్కర్నూల్ ప్రతినిధి: నాగర్కర్నూల్ జిల్లా షెడ్యూల్ కులాల అభివృద్ధి (ఎస్సీ సంక్షేమ) శాఖలో ఘోర అవినీతి అక్రమాలు వెలుగులోకి వచ్చాయి. శాఖ పరిధిలోని వివిధ ప్రభుత్వ హాస్టళ్లలో 10 మంది ఔట్సోర్సింగ్ సిబ్బంది ఒక్క రోజు కూడా విధులకు హాజరుకాకుండానే గత ఐదు సంవత్సరాలుగా రెగ్యులర్గా ప్రభుత్వ వేతనాలు పొందుతున్నట్లు సంచలన ఆరోపణలు వచ్చాయి. దీనిపై అచ్చంపేట సాయినగర్ కాలనీకి చెందిన కె. ఎల్లయ్య అనే వ్యక్తి సోమవారం జిల్లా కలెక్టరేట్లో నిర్వహించిన ప్రజావాణి కార్యక్రమంలో కలెక్టర్కు రాతపూర్వకంగా ఫిర్యాదు చేశారు.
అధికారులు, ఏజెన్సీ కుమ్మక్కు? ఫిర్యాదుదారుడు తెలిపిన వివరాల ప్రకారం.. జిల్లా ఎస్సీ అభివృద్ధి శాఖలో హాస్టళ్లలో పనిచేసేందుకు ఆర్థిక శాఖ అనుమతితో అక్టోబర్ 2021 (10/2021) నుండి 43 మందిని ఔట్సోర్సింగ్ ప్రాతిపదికన నియమించారు. అయితే వీరిలో 10 మంది సిబ్బంది రఘుపతిపేట, కొల్లాపూర్, అచ్చంపేట బాలికల హాస్టల్, అమ్రాబాద్, నాగర్కర్నూల్, కల్వకుర్తి, పెద్దకొత్తపల్లి, బిజినేపల్లి, స్వప్న బాలికల హాస్టల్ నాగర్ కర్నూల్ తదితర ప్రాంతాల పరిధిలోని హాస్టళ్లలో ఒక్క రోజు కూడా పని చేయలేదు. అయినప్పటికీ కొందరు వార్డెన్లు, సీనియర్ అసిస్టెంట్ శ్రీమతి కవిత మరియు డిఎస్సిడిఓ (DSCDO) అధికారులు సదరు ఔట్సోర్సింగ్ ఏజెన్సీతో కుమ్మక్కై ప్రతి నెల వీరికి జీతాలు చెల్లిస్తూ ప్రభుత్వ ధనాన్ని లూటీ చేస్తున్నారని లేఖలో పేర్కొన్నారు.
నిజాయితీగా పనిచేసే వారికి అన్యాయం: "ప్రభుత్వ నిబంధనలకు విరుద్ధంగా పని చేయని వారికి జీతాలు ఇస్తూ.. క్షేత్రస్థాయిలో రాత్రింబగళ్లు కష్టపడుతున్న సిబ్బందికి మాత్రం వేతనాలు ఇవ్వకుండా అధికారులు వేధిస్తున్నారు. ఐదేళ్లుగా సాగుతున్న ఈ అవినీతి దందాపై ఉన్నతాధికారులు తక్షణమే స్పందించాలి" అని ఫిర్యాదుదారుడు ఆవేదన వ్యక్తం చేశారు.
రికవరీ చేసి తొలగించాలి.. గత 5 సంవత్సరాలుగా సాగుతున్న ఈ భారీ నిధుల దుర్వినియోగంపై సమగ్ర విచారణ జరిపించాలని, అక్రమంగా జీతాలు పొందిన వారి నుండి డబ్బులను రికవరీ చేయాలని డిమాండ్ చేశారు. అవినీతికి సహకరించిన అధికారులను, ఒక్క రోజు కూడా పని చేయని సదరు 10 మంది సిబ్బందిని వెంటనే ఉద్యోగాల నుండి తొలగించాలని, అలాగే నిజాయితీగా విధులు నిర్వహిస్తున్న సిబ్బందికి పెండింగ్ వేతనాలు చెల్లించేలా చర్యలు తీసుకోవాలని కలెక్టర్ను కోరారు. ప్రజావాణి సెల్ అధికారులు ఈ లేఖను స్వీకరించి, విచారణ నిమిత్తం సంబంధిత విభాగానికి బదిలీ చేశారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
