ఉప్పునుంతల/అచ్చంపేట: దశాబ్దాల నిరీక్షణకు తెరపడింది. అచ్చంపేట నియోజకవర్గం ఉప్పునుంతల మండలం లత్తిపూర్ గ్రామ పరిధిలోని డిండి ప్రాజెక్ట్ కట్ట మైసమ్మ దేవస్థానానికి ఎట్టకేలకు పాలకమండలి కొలువుదీరింది. ఆదివారం నిర్వహించిన ఆలయ పాలకమండలి ప్రమాణస్వీకార మహోత్సవానికి రాష్ట్ర రవాణా, బీసీ సంక్షేమ శాఖ మంత్రి పొన్నం ప్రభాకర్, స్థానిక ఎమ్మెల్యే డాక్టర్ చిక్కుడు వంశీకృష్ణ ముఖ్య అతిథులుగా హాజరయ్యారు.
ఎమ్మెల్యే వంశీకృష్ణ చొరవతో ముగిసిన పెండింగ్ ప్రక్రియ: ఎన్నో ఏళ్లుగా దేవాదాయ శాఖలో పెండింగ్లో ఉన్న ఈ ఆలయ పాలకమండలి ఏర్పాటు ప్రక్రియ, ఎమ్మెల్యే డాక్టర్ వంశీకృష్ణ ప్రత్యేక చొరవతో నేడు కార్యరూపం దాల్చింది. వేద మంత్రోచ్ఛారణల మధ్య దేవాదాయ శాఖ అధికారులు నూతన చైర్మన్ మరియు సభ్యులతో ప్రమాణస్వీకారం చేయించారు.
భక్తులకు మెరుగైన సౌకర్యాలు కల్పించాలి: ఈ సందర్భంగా మంత్రి పొన్నం ప్రభాకర్ మాట్లాడుతూ.. డిండి ప్రాజెక్ట్ సందర్శనకు వచ్చే భక్తులకు కట్ట మైసమ్మ ఆలయం ఒక ప్రధాన ఆధ్యాత్మిక కేంద్రమని, ఆలయ అభివృద్ధికి పాలకమండలి చిత్తశుద్ధితో పని చేయాలని సూచించారు. భక్తులకు అవసరమైన మౌలిక వసతులు, తాగునీరు, నీడ వంటి సౌకర్యాలపై దృష్టి సారించాలని ఆదేశించారు. ఎమ్మెల్యే వంశీకృష్ణ మాట్లాడుతూ.. నియోజకవర్గంలోని పురాతన ఆలయాల అభివృద్ధికి కాంగ్రెస్ ప్రభుత్వం కట్టుబడి ఉందని తెలిపారు. ఈ కార్యక్రమంలో దేవాదాయ శాఖ అధికారులు, ప్రజా ప్రతినిధులు, వివిధ విభాగాల చైర్మన్లు, భారీ సంఖ్యలో భక్తులు మరియు పార్టీ కార్యకర్తలు పాల్గొన్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
