- విక్రయించినా, నిల్వ చేసినా క్రిమినల్ కేసులు.. షాపుల సీజ్ - పర్యావరణ పరిరక్షణ చట్టం-1986 ప్రకారం చైనీస్ మాంజాపై పూర్తి నిషేధం
హైదరాబాద్: సంక్రాంతి పండుగ వేళ గాలిపటాలు ఎగురవేయడం ఆనందాన్ని ఇవ్వాలి కానీ, అది ఇతరుల ప్రాణాలకు ముప్పుగా మారకూడదని హైదరాబాద్ నగర పోలీసు కమిషనర్ శ్రీ వీసీ సజ్జనర్, ఐపీఎస్ స్పష్టం చేశారు. నిషేధిత చైనీస్ మాంజా (సింథటిక్ దారం) విక్రయాలు, వాడకంపై పోలీసులు ఉక్కుపాదం మోపుతున్నారని, నిబంధనలు ఉల్లంఘిస్తే కఠినమైన క్రిమినల్ కేసులు నమోదు చేస్తామని ఆయన హెచ్చరించారు.
ముఖ్యమైన హెచ్చరికలు:
కఠిన చర్యలు: ఎవరైనా రహస్యంగా చైనీస్ మాంజాను విక్రయించినా లేదా నిల్వ ఉంచినా వారిపై పర్యావరణ పరిరక్షణ చట్టం-1986 కింద కేసులు నమోదు చేయడమే కాకుండా, సదరు దుకాణాలను సీజ్ చేస్తారు.
ప్రాణాపాయం: ఈ మాంజాలో గాజు పెంకులు, ప్లాస్టిక్, మెటాలిక్ పదార్థాలు ఉండటం వల్ల వాహనదారుల మెడలు తెగిపోవడం, పక్షులు ప్రాణాలు కోల్పోవడం వంటి దుర్ఘటనలు జరుగుతున్నాయి. విద్యుత్ తీగలకు తగిలితే ప్రాణాపాయం పొంచి ఉందని సీపీ గుర్తు చేశారు.
తల్లిదండ్రులకు విజ్ఞప్తి: పిల్లలకు ప్రమాదకరమైన చైనీస్ మాంజాకు బదులు సంప్రదాయ నూలు దారాలనే కొనివ్వాలని తల్లిదండ్రులకు సూచించారు.
నిఘా: నగరవ్యాప్తంగా టాస్క్ ఫోర్స్ మరియు స్థానిక పోలీసులు నిరంతరం తనిఖీలు నిర్వహిస్తారని, ఇతర రాష్ట్రాల నుంచి అక్రమ రవాణా చేసే ఏజెన్సీలపై కూడా నిఘా పెంచామని తెలిపారు.
ప్రజలు ఎక్కడైనా చైనీస్ మాంజా విక్రయాలను గమనిస్తే వెంటనే డయల్ 100కు లేదా హైదరాబాద్ పోలీస్ వాట్సాప్ నెంబర్ +91 9490616555కు సమాచారం అందించాలని సీపీ కోరారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
