అచ్చంపేట: తమ న్యాయమైన హక్కుల కోసం నిరవధిక సమ్మె చేస్తున్న అచ్చంపేట ఆర్టీసీ కార్మికులకు బిజెపి రాష్ట్ర కార్యవర్గ సభ్యులు, మాజీ ఎమ్మెల్యే శ్రీ గువ్వల బాలరాజు సంపూర్ణ మద్దతు ప్రకటించారు. శుక్రవారం అచ్చంపేట ఆర్టీసీ డిపో ఎదుట నిరసన తెలుపుతున్న కార్మికుల వద్దకు వెళ్లిన ఆయన, వారి సమస్యలను అడిగి తెలుసుకున్నారు.
ఈ సందర్భంగా గువ్వల బాలరాజు మాట్లాడుతూ.. "రాత్రింబవళ్లు ప్రజలను గమ్యస్థానాలకు చేర్చే ఆర్టీసీ కార్మికులను ప్రభుత్వం రోడ్డు మీదకు తీసుకురావడం దుర్మార్గం. 32 డిమాండ్లలో 29కి సానుకూలం అని చెబుతూనే, అసలైన విలీనం, వేతనాల పెంపు వంటి అంశాలను పక్కన పెట్టడం ప్రభుత్వ ద్వంద్వ నీతికి నిదర్శనం" అని ఆగ్రహం వ్యక్తం చేశారు.
కార్మికుల పక్షాన నిలుస్తూ ఆయన ప్రభుత్వం ముందు పలు డిమాండ్లను ఉంచారు:
విలీనం: TGSRTCని రాష్ట్ర ప్రభుత్వంలో పూర్తిగా విలీనం చేసి, సిబ్బందిని ప్రభుత్వ ఉద్యోగులుగా గుర్తించాలి.
30% ఫిట్మెంట్: 2021 వేతన సవరణ (PRC) బకాయిలను 30% ఫిట్మెంట్తో వెంటనే చెల్లించాలి.
ఎన్నికలు: కార్మిక సంఘాల కోసం వెంటనే ఎన్నికలు నిర్వహించి ప్రజాస్వామ్యాన్ని కాపాడాలి.
అద్దె బస్సుల వద్దు: సంస్థ ద్వారానే కొత్త ఎలక్ట్రిక్ బస్సులు కొనుగోలు చేయాలి. ప్రైవేట్, లీజు బస్సుల వ్యవస్థను రద్దు చేయాలి.
బదిలీల రద్దు: ఇటీవల చేసిన అడ్డగోలు అంతర్-జోనల్ బదిలీలను వెంటనే వెనక్కి తీసుకోవాలి.
కార్మికులు ప్రాణాలకు తెగించి సమ్మె చేస్తున్నారంటే అది ప్రభుత్వ వైఫల్యమేనని ఆయన విమర్శించారు. ఇప్పటికైనా ప్రభుత్వం తన మొండివైఖరి వీడి, ఆర్టీసీ జేఏసీ (JAC) నాయకులతో చర్చలు జరిపి డిమాండ్లను అమలు చేయాలని డిమాండ్ చేశారు. లేనిపక్షంలో బిజెపి ఆధ్వర్యంలో రాష్ట్రవ్యాప్త పోరాటాలు నిర్వహిస్తామని గువ్వల బాలరాజు హెచ్చరించారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
