నాగర్ కర్నూల్: జిల్లాలో ఆర్టీసీ కార్మికులు చేపట్టిన సమ్మె నేపథ్యంలో సామాన్య ప్రజలు, ముఖ్యంగా విద్యార్థులు, రైతులు మరియు ఉద్యోగులకు రవాణా ఇబ్బందులు కలగకుండా జిల్లా యంత్రాంగం యుద్ధప్రాతిపదికన చర్యలు చేపట్టింది. జిల్లా కలెక్టర్ బాదావత్ సంతోష్ బుధవారం నాగర్ కర్నూల్ డిపోను ఆకస్మికంగా సందర్శించి, క్షేత్రస్థాయి పరిస్థితులను సమీక్షించారు.
ప్రైవేటు డ్రైవర్ల నియామకానికి గ్రీన్ సిగ్నల్: ప్రజలకు రవాణా సేవలు నిరంతరాయంగా అందేలా ప్రత్యామ్నాయ ఏర్పాట్లు చేయాలని కలెక్టర్ అధికారులను ఆదేశించారు. ఇందులో భాగంగా తాత్కాలికంగా ప్రైవేటు డ్రైవర్లు మరియు కండక్టర్లను నియమించుకోవాలని సూచించారు. అయితే, డ్రంక్ అండ్ డ్రైవ్ కేసులు లేని, ఆరోగ్యవంతులైన డ్రైవర్లనే నియమించాలని, వారికి తగిన శిక్షణ ఇవ్వాలని స్పష్టం చేశారు. ప్రయాణికుల భద్రత విషయంలో ఎట్టి పరిస్థితుల్లోనూ రాజీ పడబోమని ఆయన హెచ్చరించారు.
శాంతి భద్రతలపై ఎస్పీ సమీక్ష: జిల్లా ఎస్పీతో కలిసి కలెక్టర్ గూగుల్ మీట్ ద్వారా ఆర్టీవోలు, డీఎస్పీలు మరియు డిపో మేనేజర్లతో ఉన్నత స్థాయి సమీక్ష నిర్వహించారు. సమ్మె దృష్ట్యా విధులకు హాజరయ్యే తాత్కాలిక సిబ్బందికి పూర్తిస్థాయిలో పోలీసు భద్రత కల్పిస్తామని ఎస్పీ హామీ ఇచ్చారు. బస్సుల రాకపోకలకు ఆటంకం కలిగిస్తే కఠిన చర్యలు తీసుకుంటామని హెచ్చరించారు. ప్రస్తుతం నాగర్ కర్నూల్, కల్వకుర్తి, కొల్లాపూర్ మరియు అచ్చంపేట డిపోల నుండి పరిమిత సంఖ్యలో బస్సులు నడుస్తున్నాయని అధికారులు తెలిపారు.
ప్రభుత్వం సానుకూలం: కార్మికుల డిమాండ్లపై ప్రభుత్వం సానుకూలంగా ఉందని, ఈ విషయాన్ని కార్మికులకు వివరించి వారిలో ఆందోళన తగ్గేలా చూడాలని అధికారులకు కలెక్టర్ సూచించారు. ప్రయాణికులు భయం లేకుండా ప్రయాణించేలా నమ్మకమైన వాతావరణం కల్పించాలని అధికారులను కోరారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
