అచ్చంపేట, జూన్ 6: ప్రజా సంక్షేమ కార్యక్రమాల అమలు, క్షేత్రస్థాయి పరిశీలనపై నాగర్కర్నూలు జిల్లా కలెక్టర్ హేమంత కేశవ్ పాటిల్ ప్రత్యేక దృష్టి సారించారు. శనివారం ఉదయం ఆయన అచ్చంపేట పట్టణంలో విస్తృతంగా పర్యటించారు. పట్టణంలోని పారిశుధ్య పనులు, వర్షాకాలం ముందస్తు చర్యలు, ఇందిరమ్మ ఇళ్ల నిర్మాణాల పురోగతితో పాటు ప్రభుత్వ ఏరియా ఆసుపత్రిలో అందుతున్న వైద్య సేవలను కలెక్టర్ క్షుణ్ణంగా పరిశీలించి, నిర్లక్ష్యం వహిస్తే చర్యలు తప్పవని అధికారులను హెచ్చరించారు.
కలెక్టర్ మొదటగా అచ్చంపేట పట్టణంలోని పలు వార్డుల్లో పర్యటించి శానిటేషన్ కార్యక్రమాలను తనిఖీ చేశారు. రహదారుల పరిశుభ్రత, తడి-పొడి చెత్త సేకరణ, డ్రైనేజీల నిర్వహణను పరిశీలించి, స్థానిక ప్రజలతో స్వయంగా మాట్లాడి సమస్యలను అడిగి తెలుసుకున్నారు.
రానున్నది వర్షాకాలం కాబట్టి పట్టణంలో ఎక్కడా మురుగునీరు నిల్వ ఉండకుండా డ్రైనేజీలను ఎప్పటికప్పుడు శుభ్రం చేయాలి. దోమలు ప్రబలకుండా నివారణ చర్యలు చేపట్టాలి. ప్రజారోగ్యానికి మొదటి ప్రాధాన్యతనిస్తూ మున్సిపల్ అధికారులు నిరంతరం క్షేత్రస్థాయిలో పర్యవేక్షించాలి. — హేమంత కేశవ్ పాటిల్, జిల్లా కలెక్టర్
అనంతరం పట్టణంలో నిర్మాణంలో ఉన్న ఇందిరమ్మ ఇళ్ల పనులను కలెక్టర్ పరిశీలించారు. లబ్ధిదారులు త్వరగా తమ సొంత ఇళ్లలోకి గృహప్రవేశం చేసేలా పనులను వేగవంతం చేయాలని అధికారులను ఆదేశించారు. నిర్మాణ నాణ్యత విషయంలో ఎక్కడా రాజీ పడకూడదని, లబ్ధిదారులకు అవసరమైన సాంకేతిక సహాయాన్ని ఇంజనీరింగ్ అధికారులు అందించాలన్నారు. అర్హులైన ప్రతి పేద కుటుంబానికి ప్రభుత్వ సంక్షేమ పథకాల ఫలాలు అందేలా చూడాలని స్పష్టం చేశారు.
తదనంతరం అచ్చంపేట ప్రభుత్వ ఆసుపత్రిని సందర్శించిన కలెక్టర్, ఆసుపత్రిలోని వివిధ విభాగాలను అకస్మాత్తుగా తనిఖీ చేశారు. రోగుల రికార్డులు, వైద్య సిబ్బంది హాజరు పట్టిక, ఆసుపత్రి పరిశుభ్రతను పరిశీలించారు. ముఖ్యంగా ఫార్మసీలో నిల్వ ఉన్న మందుల స్టాక్ రిజిస్టర్ను చూసి, మందుల వ్యాలిడిటీని తనిఖీ చేశారు.
వర్షాకాలంలో వచ్చే సీజనల్ వ్యాధుల దృష్ట్యా ఆసుపత్రిలో పాముకాటు (Anti-Snake Venom), కుక్కకాటు (Anti-Rabies) ఇంజెక్షన్లతో పాటు అన్ని రకాల అత్యవసర మందులు ఎల్లప్పుడూ అందుబాటులో ఉంచాలని వైద్యాధికారులను ఆదేశించారు. వైద్యులు, సిబ్బంది తప్పనిసరిగా సమయపాలన పాటించి రోగులకు అందుబాటులో ఉండాలని, సేవల్లో ఎలాంటి లోపాలు ఉన్నా సహించేది లేదని కలెక్టర్ హెచ్చరించారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
