అచ్చంపేట:
రాష్ట్రంలోని విద్యార్థుల ఫీజు రీయింబర్స్మెంట్, స్కాలర్షిప్ల బకాయిలను వెంటనే విడుదల చేయాలని డిమాండ్ చేస్తూ భారతీయ జనతా యువమోర్చా (BJYM) ఆధ్వర్యంలో "ఫీజుల బకాయి - బిజేపి లడాయి" నిరసన కార్యక్రమాన్ని నిర్వహించారు. నాగర్కర్నూల్ జిల్లా అచ్చంపేట పట్టణంలోని మాస్టర్ మైండ్స్ జూనియర్ కాలేజ్, ప్రభుత్వ బాలికల జూనియర్ కాలేజీలలో బిజేవైఎమ్ నాయకులు విద్యార్థుల నుంచి భారీ ఎత్తున సంతకాల సేకరణ చేపట్టారు.
బిజేవైఎమ్ నాగర్కర్నూల్ జిల్లా అధ్యక్షుడు ధన్నోజు నరేష్ చారి మాట్లాడుతూ.. రాష్ట్రంలో కాంగ్రెస్ ప్రభుత్వం ఏర్పడి ఇన్ని నెలలైనా ఒక విద్యాశాఖ మంత్రిని కూడా నియమించుకోలేని దయనీయ స్థితిలో రేవంత్ రెడ్డి ప్రభుత్వం ఉందని మండిపడ్డారు. విద్యాశాఖ ముఖ్యమంత్రి దగ్గరే ఉన్నప్పటికీ విద్యార్థులు ఎదుర్కొంటున్న తీవ్ర సమస్యలు ఆయనకు కనిపించడం లేదని విమర్శించారు.
"కేజీ టూ పీజీ విద్య ఉచితం అని, ప్రతి నియోజకవర్గానికి ఒక ఇంటీగ్రేటెడ్ స్కూల్ ఏర్పాటు చేస్తామని చెప్పిన మాటలు కేవలం ప్రచారానికే పరిమితమయ్యాయి. కాంగ్రెస్ ప్రభుత్వం మాటలకే పరిమితమైంది తప్ప చేతల్లో ఏమీ చూపించడం లేదు" అని నరేష్ చారి ఆగ్రహం వ్యక్తం చేశారు.
రాష్ట్రంలో దాదాపు 40 లక్షల మంది విద్యార్థులకు చెల్లించాల్సిన రూ. 15,000 కోట్ల ఫీజు రీయింబర్స్మెంట్, స్కాలర్షిప్ నిధులను ప్రభుత్వం వెంటనే విడుదల చేయాలని డిమాండ్ చేశారు. నిధులు విడుదల చేయకపోతే రాబోయే రోజుల్లో విద్యార్థి లోకాన్ని ఏకం చేసి ఉద్యమాన్ని మరింత తీవ్రతరం చేస్తామని హెచ్చరించారు.
ఈ సంతకాల సేకరణ కార్యక్రమంలో ఫీజు రీయింబర్స్మెంట్ అచ్చంపేట కన్వీనర్ శివ చంద్ర, కో-కన్వీనర్ రాకేష్, BJYM రాష్ట్ర నాయకులు చెందులాల్ చౌహాన్, శివాజీ నరేష్, కార్తీక్ రెడ్డి, అజయ్, రవి, బాలకోటి, శరత్, కౌశిక్, సాయి, అరవింద్, భరత్ తదితరులు పాల్గొన్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
