అచ్చంపేట: తెలంగాణ రాష్ట్ర రవాణా వ్యవస్థకు వెన్నెముకగా ఉన్న ఆర్టీసీ కార్మికులను రోడ్డుపైకి లాగి, వారి పొట్ట కొడుతున్న రాష్ట్ర ప్రభుత్వ తీరును బహుజన సిటిజన్స్ ఫోరం (BCF) తీవ్రంగా ఖండించింది. ఐఏఎస్ అధికారుల కమిటీల పేరుతో ప్రభుత్వం కాలయాపన చేస్తూ కార్మికులను వంచిస్తోందని బీసీఎఫ్ స్టేట్ సెక్రటరీ డాక్టర్ నారమోని నరేష్ యాదవ్ మండిపడ్డారు.
శంకర్ గౌడ్ కుటుంబానికి రూ. కోటి ఎక్స్గ్రేషియా ఇవ్వాలి: ఆత్మహత్యాయత్నానికి పాల్పడిన ఆర్టీసీ డ్రైవర్ శంకర్ గౌడ్ కుటుంబానికి ప్రగాఢ సంతాపం తెలిపిన నరేష్ యాదవ్.. ఆయన కుటుంబానికి రూ. కోటి ఎక్స్గ్రేషియా చెల్లించి, ఇంట్లో ఒకరికి ప్రభుత్వ ఉద్యోగం కల్పించాలని డిమాండ్ చేశారు. భవిష్యత్తులో ఏ కార్మికుడు ఇలాంటి అఘాయిత్యాలకు పాల్పడవద్దని, రాజ్యాంగబద్ధంగా హక్కుల కోసం పోరాడాలని ఆయన పిలుపునిచ్చారు.
ఆర్టీసీలో పనిచేస్తున్న 90 శాతం మంది బహుజన బిడ్డలేనని, వారి శ్రమతో నడుస్తున్న సంస్థను నిర్వీర్యం చేయడం సామాజిక న్యాయాన్ని ఖూనీ చేయడమేనని దుయ్యబట్టారు. కార్మికులు తమ పిల్లల చదువులు, పెళ్లిళ్ల కోసం దాచుకున్న సి.సి.ఎస్ (CCS), పీఎఫ్(PF) సొమ్ము సుమారు రూ. 3,000 కోట్లను ప్రభుత్వం ఇతర అవసరాలకు మళ్లించిందని ఆయన ఆరోపించారు. 2023లో అసెంబ్లీ సాక్షిగా చేసిన విలీన హామీని అమలు చేయకుండా కొత్త కమిటీలు వేయడం కార్మికులను మోసం చేయడమేనని విమర్శించారు.
బీసీఎఫ్ ప్రధాన డిమాండ్లు:
ఐఏఎస్ అధికారుల కమిటీతో సంబంధం లేకుండా కార్మికులతో నేరుగా చర్చలు జరపాలి.
2017, 2021 పెండింగ్లో ఉన్న PRC (వేతన సవరణ) వెంటనే అమలు చేయాలి.
కార్మికుల పీఎఫ్, సీసీఎస్ బకాయిలను వడ్డీతో సహా విడుదల చేయాలి.
ఈ కార్యక్రమంలో బీసీఎఫ్ జిల్లా అధ్యక్షుడు వెంకటేష్, నాయకులు పరుశురాం, నిరంజన్, బాలు, వెంకట్ తదితరులు పాల్గొన్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
