తెలంగాణ రాజ్యాధికార పార్టీ (TRP) అధినేత తీన్మార్ మల్లన్న ప్రతిష్టాత్మకంగా ప్రవేశపెట్టిన పార్టీ సభ్యత్వ నమోదు మరియు ప్రతి కుటుంబానికి భరోసా కల్పించే ఇన్సూరెన్స్ (బీమా) కార్యక్రమం అచ్చంపేట నియోజకవర్గంలో ఘనంగా ప్రారంభమైంది. నాగర్కర్నూలు జిల్లా తెలంగాణ రాజ్యాధికార పార్టీ అధ్యక్షులు బీసం ఆంజనేయులు ఆధ్వర్యంలో శనివారం నియోజకవర్గ వ్యాప్తంగా ఈ సభ్యత్వ నమోదు కార్యక్రమాన్ని అధికారికంగా ప్రారంభించారు.
ఈ సందర్భంగా జిల్లా అధ్యక్షుడు బీసం ఆంజనేయులు మాట్లాడుతూ.. తీన్మార్ మల్లన్న ఆశయాల సాధనలో భాగంగా, సాధారణ ప్రజల కుటుంబాలకు ఆర్థిక రక్షణ కల్పించడమే ధ్యేయంగా ఈ సభ్యత్వ డ్రైవ్ చేపట్టినట్లు తెలిపారు. టీఆర్పీ పార్టీలో సభ్యత్వం తీసుకున్న ప్రతి కుటుంబానికి ప్రత్యేక బీమా వర్తిస్తుందని ఆయన వెల్లడించారు. ప్రమాదవశాత్తు ఏదైనా ప్రమాదం జరిగితే రూ. 2,50000 (రెండు లక్షల యాభై వేలు) వైద్యాన్ని, ఒకవేళ ప్రమాదవశాత్తు మరణిస్తే సదరు కుటుంబానికి రూ. 5,00,000 (ఐదు లక్షల రూపాయలు) ప్రమాద బీమా అందుతుందని స్పష్టం చేశారు. ప్రతి పేద కుటుంబానికి తెలంగాణ రాజ్యాధికార పార్టీ ఎల్లప్పుడూ కొండంత అండగా ఉంటుందని భరోసా ఇచ్చారు.
ఈ సభ్యత్వ నమోదు ప్రారంభోత్సవ కార్యక్రమంలో అచ్చంపేట నియోజకవర్గ మహిళా అధ్యక్షురాలు తవిటి శైలజ, నాగర్కర్నూల్ జిల్లా ఉపాధ్యక్షులు నరేష్, పెద్దకొత్తపల్లి మండల అధ్యక్షులు నిరంజన్, ముఖ్య నాయకులు స్వామి, మహేశ్వరి మరియు పార్టీ కార్యకర్తలు, స్థానిక ప్రజలు పెద్ద సంఖ్యలో పాల్గొన్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
