అచ్చంపేట: ఓటర్ల జాబితా ప్రత్యేక సమగ్ర సవరణ ప్రక్రియలో ఎలాంటి అక్రమాలకు తావులేకుండా పారదర్శకంగా జరగాలని, అర్హులైన వారి ఓట్లను అక్రమంగా తొలగిస్తే ఊరుకునేది లేదని అచ్చంపేట ఎమ్మెల్యే, డీసీసీ అధ్యక్షుడు డాక్టర్ చిక్కుడు వంశీకృష్ణ స్పష్టం చేశారు. అచ్చంపేట పట్టణంలోని ఎమ్మెల్యే క్యాంప్ కార్యాలయంలో నిర్వహించిన 20 వార్డుల ముఖ్య నాయకులు, కార్యకర్తల విస్తృత స్థాయి సమావేశంలో ఆయన పాల్గొని పార్టీ శ్రేణులకు కీలక దిశానిర్దేశం చేశారు.
ఈ సందర్భంగా ఎమ్మెల్యే వంశీకృష్ణ మాట్లాడుతూ.. ఓటర్ల జాబితా సవరణ ప్రక్రియను క్షేత్రస్థాయిలో పార్టీ శ్రేణులు నిరంతరం పర్యవేక్షించాలని పిలుపునిచ్చారు. పట్టణంలోని ప్రతి వార్డు నుండి బూత్ స్థాయి ఏజెంట్లు చురుగ్గా కదిలి ఓటర్ మ్యాపింగ్ ప్రక్రియలో తప్పనిసరిగా పాల్గొనాలని ఆదేశించారు. కొందరు కావాలనే అర్హులైన ఓటర్ల పేర్లను తొలగించేందుకు కుట్రలు చేసే అవకాశం ఉందని, అలాంటి అక్రమాలపై కాంగ్రెస్ శ్రేణులు అప్రమత్తంగా ఉండి గట్టిగా అడ్డుకోవాలని సూచించారు.
ఓట్ల తొలగింపునకు సంబంధించి ఎవరూ ఎలాంటి ఆందోళన చెందాల్సిన అవసరం లేదని, ఎక్కడైనా అన్యాయం జరిగితే చట్టబద్ధంగా పోరాడదామని శ్రేణులకు ధైర్యం చెప్పారు. అర్హులైన ప్రతి ఒక్కరికీ ఓటు హక్కు కల్పించేలా, దొంగ ఓట్లకు చెక్ పెట్టేలా క్షేత్రస్థాయిలో పని చేయాలని పిలుపునిచ్చారు.
ఈ నియోజకవర్గ స్థాయి సమీక్షా కార్యక్రమంలో పట్టణ కాంగ్రెస్ కమిటీ ప్రతినిధులు, సీనియర్ నాయకులు, అన్ని వార్డుల ఇన్ఛార్జ్లు, బూత్ స్థాయి కార్యకర్తలు మరియు ప్రజాప్రతినిధులు పెద్ద సంఖ్యలో పాల్గొన్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
