అచ్చంపేట: అకాల వర్షాల వల్ల తీవ్రంగా నష్టపోయిన రైతాంగాన్ని ప్రభుత్వం తక్షణమే ఆదుకోవాలని, మార్కెట్ యార్డులో తడిసిన ప్రతి గింజనూ కొనుగోలు చేయాలని అచ్చంపేట మాజీ ఎమ్మెల్యే, బీజేపీ రాష్ట్ర కార్యవర్గ సభ్యులు డాక్టర్ గువ్వల బాలరాజు రాష్ట్ర ప్రభుత్వాన్ని, సంబంధిత శాఖ మంత్రిని డిమాండ్ చేశారు. శుక్రవారం ఆయన అచ్చంపేట మార్కెట్ యార్డును సందర్శించి, అక్కడ పేరుకుపోయిన ధాన్యం కుప్పలను, వర్షానికి తడిసిన పంటను పరిశీలించారు. ఈ సందర్భంగా రైతులు పడుతున్న ఇబ్బందులను ఆయన స్వయంగా అడిగి తెలుసుకున్నారు.
అనంతరం గువ్వల బాలరాజు మీడియాతో మాట్లాడుతూ.. మార్కెట్ యార్డులో వందలాది క్వింటాళ్ల ధాన్యం రోజుల తరబడి కొనుగోలు కాకుండా నిలిచిపోవడంపై తీవ్ర ఆగ్రహం వ్యక్తం చేశారు. సరైన రవాణా (లారీల) వ్యవస్థ లేకపోవడం వల్లే ఈ వినాశకర పరిస్థితి దాపురించిందని మండిపడ్డారు. అధికారుల తీవ్ర నిర్లక్ష్యం, రవాణా సౌకర్యాల లేమి వల్లే అకాల వర్షానికి రైతుల కష్టార్జితం నీలపాలవుతోందని ఆవేదన వ్యక్తం చేశారు. మరోవైపు మార్కెట్ యార్డుల్లో దళారీలు ఇష్టారాజ్యంగా వ్యవహరిస్తూ రైతులను దగా చేస్తున్నారని, తక్కువ ధరలకే కొనుగోలు చేస్తూ అడ్డగోలుగా దోచుకుంటున్నారని ఆరోపించారు. అన్నదాతలు దళారీల చేతుల్లో మోసపోతుంటే స్థానిక యంత్రాంగం, ప్రభుత్వం ఏం చేస్తోందని ప్రశ్నించారు.
ఈ సందర్భంగా ఆయన డిమాండ్ చేసిన ముఖ్యమైన అంశాలు:
మార్కెట్ యార్డులో ఉన్న వందలాది క్వింటాళ్ల ధాన్యాన్ని తక్షణమే పూర్తిస్థాయిలో కొనుగోలు చేయాలి.
అకాల వర్షానికి తడిసిన, రంగు మారిన ప్రతి గింజనూ నిబంధనలు పక్కనపెట్టి మద్దతు ధరకే కొనాలి.
ధాన్యం తరలింపునకు అవసరమైన రవాణా (లారీలు, గన్నీ బ్యాగులు) వ్యవస్థను వెంటనే యుద్ధప్రాతిపదికన ఏర్పాటు చేయాలి.
దళారీల దోపిడీకి అడ్డుకట్ట వేసి, రైతులకు పూర్తి భద్రత కల్పించాలి.
రైతుల పట్ల ప్రభుత్వం నిర్లక్ష్య వైఖరిని వీడకపోతే, అన్నదాతల పక్షాన పెద్ద ఎత్తున ఆందోళనలు చేపడతామని గువ్వల బాలరాజు హెచ్చరించారు. ఈ కార్యక్రమంలో బీజేపీ రాష్ట్ర అధికార ప్రతినిధి సీనియర్ నాయకులు సోలంకి శ్రీనివాస్ నాయక్, రాష్ట్ర కౌన్సిల్ మెంబర్ రేనయ్య, సీనియర్ నాయకులు బాలాజీ, జానకి, పట్టణ అధ్యక్షులు శ్రీనివాస్ గౌడ్, మహేందర్, శంకర్ మాదిగ, వెంకటేష్, రంగినేని రవీందర్, చందూలాల్, శివచంద్ర గౌడ్, బయ్యా రాజు, మధు, స్థానిక నాయకులు, ప్రజాప్రతినిధులు, మరియు పెద్ద సంఖ్యలో రైతులు పాల్గొన్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
