అచ్చంపేట, మే 18, 2026: అచ్చంపేట మండల పరిధిలోని లింగోటం చెరువు సమీపంలో ఉన్న 'చవటకుంట'లో భారీ సంఖ్యలో చేపలు మృత్యువాత పడటం స్థానికంగా తీవ్ర కలకలం రేపుతోంది. చేపలు చనిపోయి నీటిపై తేలియాడుతుండటంతో మత్స్యకారులు తమ జీవనోపాధి దెబ్బతిందని కన్నీరుమున్నీరవుతున్నారు. అయితే, ఈ ఘటన వెనుక విష ప్రయోగం జరిగిందా లేక కాలుష్యం కారణమా అనే కోణంలో పలు అనుమానాలు వ్యక్తమవుతున్నాయి.
కాలుష్యమా? విష ప్రయోగమా?: అచ్చంపేట పట్టణం నుండి వస్తున్న మురుగునీరు ఈ కుంటలో కలవడం వల్ల నీరు కలుషితమై, ఊపిరి ఆడక చేపలు చనిపోయి ఉండవచ్చని గ్రామ యువకులు కొందరు అనుమానిస్తున్నారు. కానీ, మత్స్యకారులు మరియు మెజారిటీ ప్రజలు ఈ వాదనను తోసిపుచ్చుతున్నారు. చవటకుంట కంటే ముందే ఉన్న 'మల్లం కుంట'లోకి కూడా ఇదే మురుగునీరు చేరుతోందని, అక్కడ చేపలకు ఏమీ కానప్పుడు.. కేవలం చవటకుంటలోనే చేపలు ఎలా చనిపోతాయని వారు ప్రశ్నిస్తున్నారు. ఎవరైనా కావాలనే కుంటలో విషప్రయోగం చేసి ఉంటారని గట్టిగా అనుమానిస్తున్నారు.
యువకుల మధ్య చెలరేగిన గొడవలు: ఈ చేపల మృతి వ్యవహారం కాస్తా చిలికి చిలికి గాలివానగా మారి స్థానిక లింగోటం గ్రామం మరియు వలపట్ల కాలనీకి చెందిన యువకుల మధ్య తీవ్ర ఘర్షణకు దారితీసింది. ఇరు వర్గాల మధ్య గొడవలు చోటుచేసుకోవడంతో ఆయా ప్రాంతాల్లో ఉద్రిక్త వాతావరణం నెలకొంది. సంబంధిత అటవీ, మత్స్య శాఖ మరియు పోలీస్ అధికారులు తక్షణమే స్పందించి, అన్ని కోణాలను పరిగణనలోకి తీసుకుని పూర్తిస్థాయిలో శాస్త్రీయ విచారణ జరపాలని, అసలు కారణాన్ని తేల్చి శాంతిభద్రతలను కాపాడాలని స్థానికులు డిమాండ్ చేస్తున్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
