అచ్చంపేట: అచ్చంపేట పట్టణంలోని విద్యానగర్ కాలనీలో నవజాత శిశువు మృతదేహం లభ్యమై తీవ్ర కలకలం రేపిన ఘటనలో అసలు నిజాలు బయటపడ్డాయి. అచ్చంపేట పోలీసులు అత్యంత వేగంగా స్పందించి జరిపిన దర్యాప్తులో ఈ కేసు మిస్టరీ వీడింది. ఈ ఘటనకు సంబంధించిన పూర్తి వివరాలను అచ్చంపేట డీఎస్పీ పి. శ్రీనివాస్ అధికారికంగా వెల్లడించారు.
విద్యానగర్ కాలనీలో శిశువు మృతదేహం దొరికిన వెంటనే అచ్చంపేట ఎస్సై కేసు నమోదు చేసి దర్యాప్తు ప్రారంభించారు. విచారణలో భాగంగా పట్టణంలోని సీసీటీవీ (CCTV) ఫుటేజీలను, ఇతర ఆధారాలను పరిశీలించారు. అలాగే స్థానిక మైత్రీ హాస్పిటల్ రికార్డులను క్షుణ్ణంగా తనిఖీ చేయగా కీలక విషయాలు వెలుగుచూశాయి. మృత శిశువు తల్లి అచ్చంపేటకు చెందిన ఒక 25 సంవత్సరాల మహిళగా గుర్తించారు.
"సదరు మహిళ ఈ నెల 1వ తేదీ రాత్రి సమయంలో ప్రసవం కోసం మైత్రీ హాస్పిటల్లో చేరింది. అయితే 2వ తేదీన వైద్యులు ఆమెకు పరీక్షలు నిర్వహించగా, పాప గర్భం లోపలే చనిపోయి ఉన్నట్లు తేలింది. దీంతో తల్లి అంగీకారంతో చనిపోయిన శిశువును బయటకు తీసి, కుటుంబ సభ్యులకు అప్పగించారు." — పి. శ్రీనివాస్, డీఎస్పీ అచ్చంపేట
అయితే, కొన్ని వ్యక్తిగత మరియు కుటుంబ కారణాల వల్ల చనిపోయిన బిడ్డ మృతదేహాన్ని తన సొంత ఊరికి తీసుకువెళ్లలేని స్థితిలో ఆ తల్లి ఉండిపోయింది. దీంతో ఆసుపత్రిలో పనిచేసే ఇద్దరు ఆయాలను పిలిచి, బిడ్డను ఎక్కడైనా సరైన స్థలంలో జాగ్రత్తగా పూడ్చిపెట్టమని సదరు మహిళ కన్నీళ్లతో ప్రాధేయపడింది. ఆమె అభ్యర్థన మేరకు మృతదేహాన్ని తీసుకున్న ఆయాలు.. పూడ్చివేసే విషయంలో తీవ్ర నిర్లక్ష్యం వహించారు.
వారు విద్యానగర్ కాలనీ సమీపంలో మృతదేహాన్ని లోతుగా కాకుండా చాలా పైపైన పూడ్చిపెట్టి వెళ్ళిపోయారు. ఆ ఇరుకు సమాధిని గమనించిన ఒక కుక్క కొద్దిపాటి మట్టిని తవ్వి మృతదేహాన్ని బయటకు లాగింది. అనంతరం నిన్న ఉదయం ఆ మృతదేహాన్ని జనావాసాల్లోకి ఈడ్చుకొచ్చి పడవేయడంతో స్థానికులు చూసి పోలీసులకు సమాచారం ఇచ్చారు.
కన్నబిడ్డను కోల్పోయిన తల్లి ఆవేదనను ఆసరాగా చేసుకుని, మృతదేహం పట్ల కనీస గౌరవం లేకుండా బాధ్యతారహితంగా ప్రవర్తించిన సదరు హాస్పిటల్ ఆయాలతో పాటు, ఈ విషయంలో నిర్లక్ష్యం వహించిన వారందరిపైనా చట్టపరమైన కఠిన చర్యలు తీసుకోవడం జరుగుతుందని డీఎస్పీ పి. శ్రీనివాస్ స్పష్టం చేశారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
