అచ్చంపేట: అచ్చంపేట మండల కేంద్రంలోని చౌటపల్లి గ్రామ సమీపంలో ఉన్న మున్సిపల్ డంపింగ్ యార్డ్ ఇప్పుడు చుట్టుపక్కల రైతుల పాలిట శాపంగా మారింది. ఇక్కడి నుండి వస్తున్న తీవ్రమైన దుర్వాసన మరియు విషపూరితమైన పొగ వల్ల అటు ప్రజలు, ఇటు మూగజీవులు తీవ్ర అనారోగ్యానికి గురవుతున్నారు.
ప్రమాదకర వ్యర్థాల దహనం: పట్టణంలోని చెత్తతో పాటు, జంతు కళేబరాలు, చనిపోయిన వారు వాడిన దుస్తులు, పరుపులు మరియు ఆసుపత్రుల నుండి వచ్చే ప్రమాదకరమైన మెడికల్ వ్యర్థాలను సైతం ఇక్కడే పారబోస్తున్నారని స్థానికులు ఆరోపిస్తున్నారు. వీటన్నింటినీ ఒకేచోట చేర్చి తగులబెడుతుండటంతో వెలువడుతున్న పొగ చుట్టుపక్కల పొలాలను కమ్మేస్తోంది. దీనివల్ల రైతులకు శ్వాసకోస సంబంధిత వ్యాధులు రావడమే కాకుండా, పశువులు కూడా రోగాల బారిన పడుతున్నాయి.
పట్టించుకోని మున్సిపల్ అధికారులు: ముఖ్యంగా చిన్నపిల్లలు, వృద్ధులు ఈ కలుషిత గాలి వల్ల తీవ్ర ఇబ్బందులు పడుతున్నారని, భవిష్యత్తులో పెద్ద ఎత్తున ఆరోగ్య సమస్యలు తలెత్తే ప్రమాదం ఉందని రైతులు ఆవేదన వ్యక్తం చేస్తున్నారు. సమస్యపై ఎన్నిసార్లు అధికారులకు వినతి పత్రాలు సమర్పించినా ఫలితం లేదని, మున్సిపల్ యంత్రాంగం నిమ్మకు నీరెత్తినట్లు వ్యవహరిస్తోందని వారు మండిపడుతున్నారు. ఇప్పటికైనా అధికారులు స్పందించి నివారణ చర్యలు చేపట్టాలని, వ్యర్థాల నిర్వహణను శాస్త్రీయ పద్ధతిలో చేపట్టాలని చౌటపల్లి మరియు సమీప గ్రామాల ప్రజలు డిమాండ్ చేస్తున్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
