అచ్చంపేట: నాగర్ కర్నూల్ జిల్లా అచ్చంపేట ఆర్టీసీ బస్టాండ్ పరిసర ప్రాంతాలు ప్రస్తుతం ప్రమాదాలకు నిలయంగా మారుతున్నాయి. బస్టాండ్లోకి బస్సులు లోపలికి రావడానికి, అలాగే ఇక్కడి నుండి బయటికి వెళ్లడానికి తీవ్ర ఇబ్బందికరంగా మారిందని ఆర్టీసీ బస్ డ్రైవర్లు ఆవేదన వ్యక్తం చేస్తున్నారు. నిత్యం వందలాది బస్సులు, వేలాది మంది ప్రయాణికులతో రద్దీగా ఉండే ఈ ప్రాంతంలో ఏ క్షణంలో ఎలాంటి ప్రమాదం ముంచుకొస్తుందో తెలియని అగమ్యగోచర స్థితి నెలకొంది.
బస్టాండ్ ప్రవేశ, నిష్క్రమణ మార్గాలు అత్యంత ఇరుకుగా మారడంతో పెద్ద బస్సులను మలుపులు తిప్పడం డ్రైవర్లకు కత్తిమీద సాములా మారింది. దీనికి తోడు బస్టాండ్ ముందు ప్రధాన రహదారిపై ప్రైవేట్ వాహనాలు నిలుపుదల, మితిమీరిన ట్రాఫిక్ కారణంగా బస్సులు నడపడం అత్యంత ప్రమాదకరంగా పరిణమించింది. ఎప్పుడు ఏ వైపు నుండి ఏ వాహనం వస్తుందో తెలియక, చిన్నపాటి నిర్లక్ష్యం జరిగినా పెద్ద ప్రమాదం సంభవించే అవకాశం ఉందని డ్రైవర్లు వాపోతున్నారు.
"బస్టాండ్ లోపలికి వెళ్లాలన్నా, బయటికి రావాలన్నా ప్రాణాలు అరచేతిలో పెట్టుకోవాల్సి వస్తోంది. ప్రతిరోజూ ఇరుకు మార్గాల వల్ల సమయం వృథా అవ్వడమే కాకుండా ప్రయాణికుల భద్రత కూడా ప్రశ్నార్థకంగా మారింది." — ఆర్టీసీ బస్ డ్రైవర్లు
ఈ నిరంతర ట్రాఫిక్ నరకానికి, ప్రమాదాల భయానికి చెక్ పెట్టాలంటే బస్టాండ్ ముందు భాగంలోని రోడ్డును తక్షణమే వెడల్పు చేయాలని డిపో యాజమాన్యం, డ్రైవర్లు బలంగా అభిప్రాయపడుతున్నారు. రోడ్డు వెడల్పు పనులు చేపడితేనే బస్సుల రాకపోకలు సజావుగా సాగుతాయని స్థానికులు పేర్కొంటున్నారు. ఇప్పటికైనా ఉన్నతాధికారులు స్పందించి, అచ్చంపేట బస్టాండ్ ఇరుకు రోడ్డు సమస్యను పరిష్కరించాలని ప్రయాణికులు కోరుతున్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
