9న నల్లమల బంద్

నల్లమలలో యురేనియం తవ్వకాలకు వ్యతిరేకంగా ఈనెల 9వ తేదీన అమ్రాబాద్ మండలంలో స్వచ్చందంగా బంద్ నిర్వహించనున్నట్లు కాంగ్రెస్ మాజీ ఎమ్మెల్యే వంశీ కృష్ణ మరియు యూనియన్ వ్యతిరేక కమిటీ కన్వీనర్ దాసరి నాగయ్య తెలియజేశారు.ఈనెల 9వ తేదీన యు సి ఎల్ కంపెనీ వారు అమ్రాబాద్ పది మండలాల్లో 4000 బోర్లు వేస్తున్న నేపథ్యంలో యురేనియం తవ్వకాలకు వ్యతిరేకంగా నిరసన తెలియజేస్తూ స్వచ్ఛందంగా బంద్ పాటించనున్నామని తెలియజేశారు.

దేశానికే తలమానికమైన నల్లమల్లను ముగ్గురు త్రిమూర్తులు… స్థానిక ఎమ్మెల్యే గువ్వల బాలరాజ్, తెలంగాణ ముఖ్యమంత్రి కేసీఆర్, ప్రధానమంత్రి నరేంద్రమోడీ అమ్ముకుంటున్నారని డా.వంశీ కృష్ణ తీవ్ర భావోద్వేగంతో ద్వజమెత్తారు.నల్లమలలో యురేనియం తవ్వకాలకు అనుమతినిస్తూ సంతకం పెట్టింది మీరు కాదా?పోలీసులు, ఫారెస్ట్ అధికారుల అండదండలతో మీ సతీమణి నల్లమలలోని పురాతన ఆలయాలలో వజ్రాలు, బంగారం కోసం గుప్త నిధుల అన్వేషణ కొనసాగించింది నిజం కాదా? అని స్థానిక ఎమ్మెల్యే బాలరాజు అని ప్రశ్నించారు.
యురేనియం వ్యతిరేక కమిటీ కన్వీనర్ దాసరి నాగయ్య మాట్లాడుతూ…నల్లమల్ల ప్రజలు పార్టీ జెండాలు పక్కనపెట్టి ఐక్యతతో పోరాడి నల్లమలను రక్షించుకుందామని పిలుపునిచ్చారు.

నల్లమల్ల యురేనియం వ్యతిరేక రాజకీయ జేఏసీ కన్వీనర్ నాసరయ్య మాట్లాడుతూ…నల్లమల్ల అప్పయ్య అరణ్యంలోని వన్యప్రాణులను జీవవైవిధ్యాన్ని కాపాడుకోవడానికి ప్రజలు నడుంబిగించాలని,నల్లమలకు అద్భుతమైన చరిత్ర ఉందని ఈ అడవులు రుద్రమదేవి, ప్రతాపరుద్రుడు పరిపాలించిన ప్రాంతమని,కన్నతల్లి లాంటి ఈ నల్లమలను యురేనియం పేరుతో విధ్వంసం సృష్టించడం చట్టవిరుద్ధమని ఆయన అన్నారు.

అనంతరం రాస్తారోకో నిర్వహించి, రోడ్డుపై బైఠాయించగా పోలీసులు అమ్రాబాద్ పోలీస్ స్టేషన్ కి తరలించారు. అనంతరం సొంత పూచీకత్తుపై విడుదల చేశారు.

admin

See author's posts

Related posts:

యురేనియం వెలికితీతపై ఉద్యమం ఉధృతం విద్యాసంస్థల బంద్ విజయవంతం యురేనియం తవ్వకాలపై కేంద్ర,రాష్ట్ర ప్రభుత్వాలపై రేవంత్ రెడ్డి ధ్వజం యురేనియం వ్యతిరేక పోరాట సమితి ధర్నా SFI అధ్వర్యంలో విద్యాసంస్థల బంద్ విజయవంతం ప్రభుత్వ ఉద్యోగులకు ఈ నెల 3 వ తేదీన జీతాలు. జిల్లాకేంద్రంలో జూలై 26న విశ్రాంత ఉద్యోగుల ధర్నా నల్లమల పై మరో పిడుగు యురేనియం – నల్లమల – చీకటికోణం! జెడ్పిటిసి అనురాధ గారిని పరామర్శించిన గువ్వాల అమల. నగర్ కర్నూల్ జిల్లా డిసిసి అధ్యక్షుడి గ చిక్కుడు వంశీకృష్ణ సేవ్ నల్లమల గణపతులు మండల ప్రజా పరిషత్ నూతన పాలక మండలి ప్రమాణ స్వీకారోత్సవం బ్రహ్మకుమారి ఈశ్వరీయం వారి అధ్వర్యంలో రాఖీ వేడుకలు