గురుకులాల్లో ల్యాబ్ టెక్నీషియన్ కోర్సులు
రాష్ట్రంలోని 34 గురుకుల పాఠశాలలో ల్యాబ్ టెక్నీషియన్ కోర్సులను ప్రారంభించినట్లు గురుకుల రాష్ట్ర కార్యదర్శి డా.ప్రవీణ్ కుమార్ అన్నారు. మండల కేంద్రంలోని సాంఘిక సంక్షేమ బాలుర గురుకుల పాఠశాల మరియు కళాశాలలో రూ 1.50 కోట్లతో నిర్మించిన అదనపు గదులు, కస్తూర్భా బాలికల విద్యాలయంలో నూతనంగా నిర్మించిన జూనియర్ కళాశాల భవనాన్ని గురుకులాల కార్యదర్శి, ప్రభుత్వ విప్ గువ్వల బాలరాజుతో కలిసి ప్రారంభించారు.
ఈ సందర్భంగా నిర్వహించిన సమావేశంలో ప్రవీణ్ కుమార్ మాట్లాడుతూ ప్రభుత్వం గురుకుల పాఠశాలలో కల్పిస్తున్న సౌకర్యాలను సద్వినియోగం చేసుకొని విద్యార్థులు చదువులో రాణించాలని కోరారు.రాష్ట్రంలో ల్యాబ్ టెక్నీషియన్ కోర్సులతోపాటు 53 మహిళా డిగ్రీ కళాశాలను ప్రారంభించినట్లు తెలిపారు. రాబోయే కాలంలో గురుకులాలను మరింత సమర్థవంతంగా నిర్వహించుటకు తగు ప్రణాళికలు సిద్ధం చేస్తున్నట్లు ఆయన తెలిపారు. తల్లిదండ్రులు ఆడ పిల్లల చదువు విషయంలో సమస్యగా మారకుండా స్వేచ్ఛగా చదువుకునే వాతావరణం కల్పించాలని కోరారు.
అనంతరం గువ్వల బాలరాజు మాట్లాడుతూ రాష్ట్రంలో గురుకులాల రూపురేఖలే మారాయన్నారు. ప్రభుత్వం బడుగు, బలహీన విద్యార్థుల సంక్షేమం కోరుతూ అన్ని వర్గాల వారికి గురుకుల విద్యను అందుబాటులోకి తెచ్చినట్లు ఆయన తెలిపారు.సమస్యలను అధిగమించి ఆత్మగౌరవంతో చదువుకోవాలని, ప్రభుత్వం కల్పిస్తున్న సౌకర్యాలను హక్కుగా భావించి సద్వినియోగం చేసుకోవాలని విద్యార్థులను కోరారు.
ఈ కార్యక్రమంలో డీఈవో గోవిందరాజులు, ప్రిన్సిపాల్స్ నాగభూషణం, శారద, ఎంఈఓ చంద్రుడు, జడ్పిటిసి నేజమ్మ, ఎంపీపీ లింగమ్మ, సర్పంచ్ కోనేటి తిరుపతయ్య తదితరులు పాల్గొన్నారు.
Related posts:
జూనియర్ అసిస్టెంట్/డేటా ఎంట్రీ ఆపరేటర్ అండ్ ల్యాబ్ అటెండర్ ఉద్యోగాల కోసం దరఖాస్తులు.
టెండర్లను రద్దు చేయాలి
SFI అధ్వర్యంలో విద్యాసంస్థల బంద్ విజయవంతం
యువ చేతన కు ధరఖాస్తులు చేసుకోవాలి.
యోగ సాధనతో విద్యార్థులలో చురుకుదనం పెరుగుతుంది.
సర్వేకు మాత్రమే సంతకం
ఈ-ఆటో రిక్షాల కోసం దరఖాస్తుల ఆహ్వానం
ప్రభుత్వ అనాలోచిత నిర్ణయాలతో విద్యావ్యవస్థ నీరుగారుతోంది:డిటిఎఫ్
గ్రామ అభివృద్దిలో భాగస్వాములవ్వండి
కొండారెడ్డిపల్లి ప్రభుత్వ జిల్లా పరిషత్ పాఠశాలలో హరితహారం కార్యక్రమం
SFI ఆధ్వర్యంలో ఆందోళన
9 న ట్యాలెంట్ టెస్ట్
రాష్ట్రస్థాయి క్రీడలో రాణించి జిల్లా ఖ్యాతిని పెంచండి
రేపు తెరాస ర్యాలీ