సెప్టెంబర్ 17 నిజాం కబంధ హస్తాల నుండి హైదరబాద్ సంస్థానం విముక్తిపొందిన ఈరోజును తెలంగాణ విమోచన దినం జరుపుకుంటాం.

ఈరోజు మనం మననం చేసుకోవలసిన మరో వ్యక్తి సర్దార్ వల్లభాయ్ పటేల్. ఆయన సాహసోపేతమైన నిర్ణయం హైదరాబాద్ వాసులకు స్వాతంత్ర్యం తెచ్చిపెట్టింది.
1947 ఆగస్టు 15న బ్రిటిష్ వారి పాలన అంతమై భారతదేశమంతటా స్వాతంత్ర్య సంబరాలు జరుపుకున్నారు.. కానీ దేశం నడి బొడ్డున ఉన్న హైదరాబాద్ సంస్థాన ప్రజలకు ఆ అదృష్టం లేకుండా పోయింది.

అప్పటి వరకూ బ్రిటిష్ వారికి సామంతుడిగా ఉన్న హైదరాబాద్ నవాబు మీర్ ఉస్మాన్ అలీఖాన్ తాను కూడా స్వతంత్రుడిని అయ్యానని ప్రకటించుకున్నాడు. హైదరాబాద్ అటు ఇండియాలో, ఇటు పాకిస్తాన్లో కలవదని స్వతంత్రంగా ఉంటుందని ప్రకటించాడు. కానీ సంస్థానంలోని ప్రజలు తాము భారతదేశంలో కలవాలని కోరుకున్నారు. ఆనాటి హైదరాబాద్ సంస్థానంలోని తెలంగాణ, మరాఠ్వాడా, కర్ణాటక ప్రాంతాల్లో ఇంకా ప్యూడల్ పాలన కొనసాగుతోంది. ఒకవైపు దేశ్ముఖ్, జాగీర్దార్, దొరల వెట్టి చాకిరిలో గ్రామీణ ప్రజానీకం మగ్గిపోతుంటే, మరోవైపు నిజాం అండతో రజాకార్లు చెలరేగిపోయారు.

ప్రజల మాన, ప్రాణాలకు రక్షణ లేకుండా పోయింది. గ్రామాలపై పడి ప్రజలను దోచుకొని, హత్యాకాండను కొనసాగించారు. నిజాం ప్రోద్భలంతో రజాకార్ల నాయకుడు కాశీం రజ్వీ ఢిల్లీ ఎర్రకోటపై అసఫ్ జాహీ పతాకాన్ని గురేస్తానని విర్ర వీగాడు.. ఇలాంటి పరిస్థితిలో నిజాం నిరంకుశ పాలనకు వ్యతిరేకంగా స్టేట్ కాంగ్రెస్, కమ్యూనిస్టు పార్టీ, ఆర్యసమాజ్ తమ తమ మార్గాల్లో పోరాటాన్ని చేపట్టాయి. ఈ సంస్థలన్నింటినీ నిషేధించాడు ఉస్మాన్ అలీఖాన్.

భారత దేశ నడిబొడ్డున క్యాన్సర్ కంతిలా మారిన హైదరాబాద్ సంస్థానంపై చర్య తీసుకోక తప్పదని నాటి హోం మంత్రి, సర్దార్ వల్లభాయి పటేల్ నిర్ణయించుకున్నారు.. పరిస్థితిని ముందే ఊహించిన నిజాం నవాబు పాకిస్తాన్ సాయం కోసం వర్తమానం పంపడంతో పాటు, ఐక్యరాజ్య సమితిని ఆశ్రయించాడు.. ఈ పరిణామాల నేపథ్యంలో 1948 సెప్టెంబరు 13న భారత సైన్యం ఆపరేషన్ పోలో పేరిట హైదరాబాద్ సంస్థానాన్ని ముట్టడించింది. దీనికి పోలీస్ యాక్షన్ అనే పేరు పెట్టారు. ఆ తర్వాత సెప్టెంబరు 17న నిజాం నవాబు లొంగుబాటు ప్రకటన చేశారు.

ఈ విధంగా హైదరాబాద్ వాసులకు స్వాతంత్ర్యం వచ్చింది. హైదరాబాదు రాష్ట్రం ఏర్పడింది. అందుకే సెప్టెంబరు 17ను తెలంగాణ విమోచన దినోత్సవంగా పాటిస్తారు.
అనంతరం జరిగిన ఎలక్షన్స్ లో హైదరాబాద్ రాష్ట్రానికి తోలి ముఖ్యమంత్రిగా బూర్గుల రామకృష్ణ రావు హైదరాబాద్ స్టేట్ కాంగ్రెస్ తరపున ఎన్నికయ్యారు.
నిజాం నవాబ్ మీర్ ఉస్మాన్ అలీ ఖాన్ హైదరాబాద్ గవర్నర్ గా నియమితుడై హైదరాబాద్ రాష్ట్రం ఆంద్రప్రదేశ్ లో విలీనం అయ్యే వరకు కొనసాగాడు.

admin

See author's posts

Related posts:

విమోచన దినోత్సవాన్ని అధికారికంగా జరపాలి సెల్యూట్…నిఖిల్ ! తెలంగాణ నుండి ఎంపికైన ఏకైక విద్యార్థిగా గుర్తింపు తెలంగాణ మాలమహానాడు రాష్ట్ర యువజన విభాగం కార్య నిర్వహక అధ్యక్షులుబండపల్లి మల్లేష్ ప్రొఫెసర్ జయశంకర్ గారి 85 వ జయంతి తెలంగాణ అధ్యాపకుల ఫోరం (టిఎల్ఎఫ్) తెలంగాణ రాష్టం లో ఆషాడా భోనాల పండుగ ప్రారంభం మహాత్మా గాంధీ కన్నుల పండుగగా తెలంగాణ ఆవిర్భావ దినోత్సవం తెలంగాణ గవర్నర్ గా నియమితులైన తమిళ సై సౌందర రాజన్ ఆర్మీ జవాన్ రాజశేఖర్ (చిన్న) కారు ప్రమాదం లో మృతి చెందారు. యురేనియం తవ్వకాలను ఉపసంహరించుకోవాలని సంక్షేమ సంఘం డిమాండ్ తెలంగాణ ప్రభుత్వ విప్ గా ఎన్నికైన అచ్చంపేట ఎమ్మెల్యే గువ్వల బాలరాజు గారు ఎస్బిఐ నుండి మరో ముఖ్య హెచ్చరిక?తప్పక చూడండి? పాకిస్థాన్‌లోనూ హీరోగా మారిన అభినందన్..